بنګلادیش، اسټرالیا ښه تر تاثیر لاندې ساتلې
- 3 کاله دمخه (07/08/2021)
- حضرت علي میاخېل
- 1121
د بنګلادیش په کوربتوب د پنځه شل اوریزو لوبو سیریز دریمه لوبه هم پرون د اګست په ۶ مه نېټه ترسره شوه.
په دغې لوبه کې پچه د بنګلادیش لوبډلې وګټله او لومړی یې د توپ وهنې پرېکړه وکړه.
بنګلادیش په ټاکلو شلو اورونو کې د ۹ لوبغاړو په سوځېدو ۱۲۷ منډې جوړې کړې او د ۱۲۸ منډو هدف یې اسټرالیا لوبډلې ته کېښود.
د بنګلادیش لپاره په توپ وهنه کې شکیب الحسن ۲۶ او محمدالله ۵۲ تر نورو زیاتې منډې جوړې کړې.
د اسټرالیا لپاره په توپ اچونه کې نیتن ایلیس درې لوبغاړي وسوځول.
اسټرالیا لوبډلې ټولې ۱۱۷ منډې جوړې کړې او په لسو منډو یې ماتې ومنله.
د اسټرالیا لپاره تر ټولو زیاتې منډې میچل مارش ۵۱ جوړې کړې.
د بنګلادیش په توپ اچوونکو کې شرف الاسلام دوه لوبغاړي وسوځول او تر نورو ښه وځلېد.
ددغې لوبې د غوره لوبغاړي جایزه بنګلادیشي لوبډلمشر محمدالله ته ورکول شوه، چې په ۵۳ توپونو یې ۵۲ منډې جوړې کړې وې.
بنګلادیش د یادې لوبې په ګټلو سره سیریز هم وګاټه او تر اوسه په سیریز کې ۳ـ۰ مخکې والی لري.