سمسور

افغان ځواکونو تېرو ۲۴ ساعتونو کې ۳۸۵ طالبان وژلي

• 3 کاله دمخه (07/08/2021)
• سمسور نیوز
• 1283

له ملي دفاع وزارت څخه په خپره شوې خبر پاڼه کې راغلي، چې دفاعي او امنيتي ځواکونو سره متقابل بریدونو او نښتو کې ۳۸۵ طالبان وژل شوي او ۲۱۰ نور ټپيان شوي دي.

سرچینه زیاتوي دغه طالبان د ننګرهار، لوګر، غزني، پکتیکا، مېدان وردګ، کندهار، هرات، فراه، جوزجان، سمنګان، هلمند، تخار، بغلان او کاپيسا ولایتونو کې وژل شوي او ټپیان شوي دي.

د دې په خواکې ۱۳ بېلابېل ډول ماینونه چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو  ځواکونو له لوري کشف او خنثی شوي او همداراز د وسله والو طالبانو یوه اندازه وسلې او مهمات هم  له منځه وړل شوي دي.