په نورستان کې ۵۱۰ متره کانکریټي سړک جوړ او ګټې اخیستنې ته وسپارل شو
- 3 کاله دمخه (09/08/2021)
- سمسور نیوز
- 1198
په نورستان ولایت کې د کلیو د بیا رغونې او پراختیا وزارت د سیمه ییز پروګرام له لوري د پاخه سړک د جوړولو چارې بشپړې شوې.
د کلیو د بیا رغونې او پراختیا وزارت چارواکي وایي، چې د یاد وزارت له خوا د دغې پروژې په ترڅ کې د یاد ولایت په مرکز پارون کې د ۵۱۰ مترو په اوږدوالي اوسپنیز کانکریټي پوخ سړک چې د تطبیق چارې یې له پخوا پیل شوې وې جوړ شو.
د یادې پروژې د تطبیق پر مهال ۷۹۶۰ کاري ورځې رامنځته شوې او د سیمې ۱۲۳۰۰ اوسیدونکي ترې ګټه پورته کوي.
د یادونې وړ ده، چې دغې پروژې د سیمې د اوسیدونکو د تګ او راتګ په برخه کې د پام وړ آسانتیاوې رامنځته کړیدي.