امریکا: د طالبانو کړنې څارو؛ د حکومت په پېژندلو کې یې بېړه نهلرو
- 3 کاله دمخه (18/08/2021)
- سمسور نیوز
- 1532
امریکايي حکومت ویلي، چې تر اوسه یې د طالبانو د حکومت په رسمیت پېژندلو په اړه فکر نه دی کړی او نه هم په دې اړه بېړه لري.
د امریکا بهرنیو چارو وزارت ویاند نېډ پرایس د یو خبري کنفرانس پر مهال ویلي، چې دوی د افغانستان وضعیت له نږدې څاري او په خبره یې، چې په دې اړه به د طالبانو کړنو ته په کتو پرېکړه کوي.
نوموړي دغهراز ویلي، چې دوی له افغانستان د خپلو ډيپلوماتانو او سفارت د کارکوونکو د اېستلو پروسه بشپړه کړې؛ خو په وینا یې یوه ډله ديپلوماتان لا هم په دغه هېواد کې شتونلري.
د مالوماتو لهمخې، چې دغه ديپلوماتان به د امریکايي اتباعو او پاتې وګړو په اېستلو کې همکاري کوي.
دا څرګندونې داسې مهال دي، چې د امریکا په ګډون ترکیې، چین، روسیې او یو شمېر نورو هېوادونو هم ویلي، چې دوی په ډیپلوماټیکو اړیکو او نورو برخو کې د طالبانو کړنو ته په کتو پرېکړه کوي.