برېتانیا: سبا دې د افغانستان روان وضعیت په اړه د "جي۷" هېوادونو سرمشریزه جوړهشي
- 3 کاله دمخه (23/08/2021)
- سمسور نیوز
- 1408
د برېتانیا لومړي وزیر بوریس جانسن ویلي، چې سبا سهشنبه دې د افغانستان روان وضعیت په اړه د بېړني بحث لپاره د نړۍ د اوو سترو صنعتي هېوادونو سرمشریزه راوبللشي.
بوریس جانسن دغهراز ویلي، نړیواله ټولنه دې ژر تر ژره د یوې انلاین غونډې له لارې په افغانستان کې د بشري بحران مخنیویوکړي.
هغه همداشان زیاته کړې، چې نړۍ دې د تېرو شلو کلونو د لاسته راوړنو په خوندي کولو کې د افغانانو ملاتړ وکړي او اجازه دې نه ورکوي، چې د دوی دا هر څه په اوبو لاهو شي.
په عینحال کې سپینې ماڼۍ هم تائید کړې، چې ولسمشر جو بایډن به له افغان کډوالو سره د بشري مرستو په ګډون د افغانستان پر روان وضعیت د بحث لپاره د "جې۷"ډلې په غونډه کې برخهواخلي.
باید وویل شي، چې امریکا، برېتانیا، فرانسه، جرمني، ایټالیا، کاناډا او جاپان د "جي۷" غړي هېوادونه دي، چې سږ کال یې مشري برېتانیا کوي.