پنجشېر ولایت هم په بشپړ ډول طا.لبانو ونیو
- 3 کاله دمخه (06/09/2021)
- سمسور نیوز
- 1216
طا.لبان وایي، چې پنجشېر ولایت هم د دوی تر کنټرول لاندې راغلی او اوسمهال پهکې طالب ځواکونه شتونلري.
طا.لب ویاند ذبیحالله مجاهد پر خپله ټوېټر پاڼه لیکلي، چې وروستی ولایت پنجشېر هم په بشپړ ډول د دوی تر ولکې لاندې راغلی دی.
د نوموړي په خبره یې، چې د جګړې پرمهال یو شمېر د دوی ضد پاڅونککونکي ځپل شوي او نور هغه یې له یاد ولایت څخه تېښتې ته اړ شوي دي.
مجاهد دغهراز د دې ولایت خلکو ته ډاډ ورکړی دی، چې هېڅډول توپیري چلند به ورسره نهکېږي او زیاتوي، چې د دوی امنیت خوندي شوی دی.
وروسته له هغه، چې طا.لبانو د افغانستان ګڼ شمېر ولایتونه تر خپلې ولکې لاندې راوستل، پنجشېر یواځینی هغه ولایت و، چې طا.لبان یې تر اوسه پورې په نیولو نه وو بریالي شوي.
د طا.لب چارواکو په وینا، چې د دې ولایت په نیولو سره افغانستان له جګړو څخه راووت او هېواد به مو د آزادۍ، خپلواکۍ او آبادۍ په فضا کې آرام او سوکاله ژوند ولري.