سمسور

د کابل پوهنتون نوی رئیس سرپرست دی او ښایي لیرې شي

• 3 کاله دمخه (22/09/2021)
• سمسور نیوز
• 1351

د کابل پوهنتون د نوي سرپرست ټاکل کېدو وروسته؛ د کابل پوهنتون وایي، محمد اشرف غیرت د یاد پوهنتون لپاره د سرپرست رئیس په توګه ټاکل شوی او شرایطو ته په کتو بدلون پکې راتلی شي.  

دې پوهنتون ویلي، د کابل پوهنتون رئیس پوهاند دکتور محمد عثمان بابري د جرمني هیواد د ماربورګ پوهنتون د علمي تحقیقاتو په سلسله کې د ګډون په موخه دغه هېواد ته تلونکی دی؛ نو پر ځای یې ښاغلی غیرت پوهنتون ته د سرپرست په توګه ټاکل شوی دی. 

د کابل پوهنتون نن په یوه اعلامیه کې ویلي: "دغه ګمارنه یواځې د سرپرستۍ بڼه لري، وړتیاوو او شرایطو ته په کتلو پکې بدلون راتللی شي." 

د کابل پوهنتون د نوي سرپرست رئیس په توګه د نوموړي ټاکل کېدو په ټولنیزو رسنیو کې پراخ غبرګونونه را وپارول او کارکوونکیو یې له دندې د ګوښه کېدو غوښتنه کړې وه.