د عدلیې وزارت: د موقتې دورې لپاره د پخواني پادشاه محمد ظاهر شاه اساسي قانون نافذوي
- 3 کاله دمخه (28/09/2021)
- سمسور نیوز
- 1277
د ط. البانو د عدلیې وزارت وایي، چې دوی د ا.ا.ا اوسنۍ مؤقتې دورې لپاره د پخواني پادشاه محمد ظاهر شاه اساسي قانون نافذوي.
د دې وزارت سرپرست د چین سفیر وانګیي سره د لیدنې پر مهال ویلي، چې دوی به د پخواني پاچا محمد ظاهر شاه د دورې اساسي قانون پرته له هغه مواردو، چې د شریعت او اسلامي امـارت له اصولو سره په ټکر کی دی د موقتې دوری لپاره نافذ کړي.
په لیدنه کې د چین سفیر ویلي، چې هېواد به یې مؤقتې ادارې سره خپلې ډیپلوماتیکې اړیکې وساتي او په نړیواله کچه به پر اسلامي امـارت د تحریمونو د لرې کولو لپاره هڅې وکړي.
باید یاده شي، چې پخواني ولسمشر حامد کرزي هم په موقته دوره کې د محمد ظاهر شاه د دورې اساسي قانون نافذ کړی، چې اوس ط. البان هم غواړي د موقتې دورې لپاره له دې قانون استفاده وکړي.