نریندا مودي: افغانستان باید بیا ځلې د ترهګرو په ځاله بدل نهشي
- 3 کاله دمخه (13/10/2021)
- خالد سهار
- 1498
د هند لومړی وزیر نریندا مودي وایي، نړۍ باید پرې نهږدي، چې افغانستان یو وار بیا د ترهګرو په ځاله بدل شي.
نوموړي دا څرګندونې پرون د افغانستان په اړه جي۲۰ غونډه کې کړې دي.
هغه دغهراز تر یادې غونډې وروسته هم پر خپله ټوېټر پاڼه لیکلي: چې نړۍ باید په ګډه د ترهګرۍ پر وړاندې مبارزه وکړي او اجازه ور نهکړي، چې افغانستان د ترهګرۍ او افراطیت پر مرکز بدل شي.
نوموړي په افغانستان کې د ټولګډونه حکومت پر تشکیل ټینګار کړی او زیاته کړې یې ده، چې نړیوال باید دغه هېواد سره په سمدستي ډول بشري مرستې وکړي.
د افغانستان په اړه د جي۲۰ هېوادونو غونډه کې له افغانستان سره د د څه باندې یو میلیارد یورو مرستې ژمنه وشوه؛ خو ټینګار پر دې وشو چې دغه مرستې به د نړیوالو سازمانونو له لارې افغانستان باندې لګول کېږي.