کابل کې چاودنې دوه تنه ط‌الب ځواکونه ټپیان کړل

کابل کې چاودنې دوه تنه ط‌الب ځواکونه ټپیان کړل


  • 2 کاله دمخه (20/10/2021)
  • خالد سهار
  • 973

چارواکي وایي، چې نن سهار شااوخوا اته بجې د کابل ښار په دهمزنګ څلور لارې کې یوه چاودنه شوې ده. 

د کورنیو چارو وزارت ویاند، سعید خوستي وايي، چې چاودنه پر طالب ځواکونو د لاسي بم غورځولو له امله رامنځ‌ته شوې، چې په پایله کې یې دوه تنه ط‌الب ځواکونه ټپیان شوي دي. 

د هغه په خبره، چې سیمې ته نور طالب ځواکونه رسېدلي او د پېښې په تړاو یې جدي پلټنې پیل کړي دي.

تر دې مهاله د دې پېښې مسؤولیت لا هم کومې ډلې نه‌دی منلی؛ خو تر دې وړاندې په کابل او ځینې نورو ولایتونو کې داعش وسله‌والې ډلې د خونړیو بریدونو مسؤولیت پر غاړه اخیستی دی. 

وروسته تر هغه، چې اسلامي امارت پر افغانستان بیا ځلې ولکه ټینګه کړه ورسره سم داعش وسله‌والې ډلې خپل بریدونه پراخ کړي.