طالبان: د تور لېست په هکله د روسیې ولسمشر څرګندونو هرکلی کوو

طالبان: د تور لېست په هکله د روسیې ولسمشر څرګندونو هرکلی کوو


  • 1 کال دمخه (25/10/2021)
  • سمسور نیوز
  • 743

د افغانستان ا.ا د تور لېست په تړاو د روسیې د ولسمشر ولادیمیر پوتین د وروستیو څرګندونو هرکلی کړی دی.  

د بهرنیو چارو وزارت ویاند، عبدالقهار بلخلي وایي، دغه وزارت د روسیې فدارتیف د ولسمشر ولادیمیر پوتین له هغو څرګندونو هرکلی کوي، چې له‌مخې به یې د طالب‌مشرانو نومونه له تور لېست څخه اېستل کېږي.

هغه دغه‌راز ویلي، چې په هېواد کې د جګړې فصل پای‌ته رسېدلی او  نړیوال باید له افغانستان سره په خپلو اړیکو او تعامل کې مثبت بدلون راولي. 

د نوموړي په خبره، چې دوی له ټولې نړۍ سره د متقابل تعامل پر بنسټ د مثبتو اړیکو غوښتونکي دي. 

باید یاده شي، چې تر دې وړاندې د روسیې ولسمشر ولادیمیر پوتین پر امریکا او نړیوالو غږ کړی و، چې د طالب‌مشرانو نومونه باید د ملګور ملتونو له تور لېست څخه واېستل شي.