د جي۲۰ غږنډې پای؛ برېتانیا له افغانستان سره ۶۸ میلیونه ډالره مرسته کوي
- 3 کاله دمخه (01/11/2021)
- خالد سهار
- 1049
د جي ۲۰ سرمشریزې غوڼدې په پای کې د برېټانیا لومړي وزیر بورېس جانسن له افغانستان سره د ۵۰ میلیون پونډ مرستې ژمنه وکړه.
دا مرسته د هغو ۳۹۱ میلیونو ډالرو یوه برخه ده چې د سپټمبر په میاشت کې برېټانیا لهخوا افغانستان سره اعلان شوه.
لومړي وزیر جانسن په یاده غونډه کې د نړۍ ۲۰ لویو صنعتي هېوادونو څخه وغوښتل، چې افغانستان سره بېړنۍ مرستې وکړي او دغه راز افغانستان کې د نجونو د تعلیم د ملاتړ لپاره ډېرې هڅې وکړي.
برېټانیا تېره ورځ د یادې غونډې له ختمېدو وروسته د یوې خبرپاڼې په خپرولو وویل، چې له افغانستان سره د ۵۰ ملیون پونډو یا څه باندې ۶۸ ملیونه ډالرو مرسته به په افغانستان کې به شاوخوا دوه نیمو ملیونو خلکو اکثر ښځو او نجونو ته ورسېږي.
د مالوماتو له مخې، برېټانیا به دغې مرستې د ملګرو ملتونو د ادارو او سره صليب له لارې اړمنو افغانانو ته ورسوي.