سمسور

افغان محصل خلیلزاد ته؛ څنګه کولای شې، چې د شپې خوب وکړې؟

• 3 کاله دمخه (19/11/2021)
• سمسور
• 922

د افغان سولې لپاره د امریکا پخواني ځانګړي استازي زلمي خلیلزاد پرون د امریکايي پوهنتون هغو افغان محصلینو ته چې تازه د عراق امریکايي پوهنتون ته تللي، وینا وکړه.

هغه په ​​ځوانۍ کې امریکا ته د خپل سفر او هلته د خپلو زده کړو او کار په اړه خبرې وکړې. 

د افغان محصلینو یوه ډله د لیکچر له تالار څخه د هغه د شتون په اعتراض کې وتلې وه، خو یوې بلې ډلې ترې پوښتنې وکړې. 

د یو محصل پوښتنه دا وه:

 څنګه کولای شې چې د شپې خوب وکړې؟

یو بل وپوښت:

هغې کندې ته دې چې افغانستان وغورځولو؛ کولای شي هغه هم د خپلو ویاړ کیسو برخه کړي؟

خو خلیلزاد یې په ځواب کې ویلي، چې د جګړې دواړه لوري سولې ته ژمن نه وه.