جنوبي افریقا د اروپايي هېوادونو او امریکا پر وروستۍ پرېکړه غبرګون ښوودلی دی

جنوبي افریقا د اروپايي هېوادونو او امریکا پر وروستۍ پرېکړه غبرګون ښوودلی دی


  • 2 کاله دمخه (29/11/2021)
  • سمسور پریس
  • 815

وروسته له هغه چې اومیکرون ډوله کرونا ویروس په نړۍ کې خپور شو، نو برېټانیا او امریکا وویل چې دا له جنوبي افریقا خپور شوی او له دغه هېواد سره یې پر سفرونو بندیزو ولګاوه.

د جنوبي افریقا ولسمشر په تازه څرګندونو کې ویلي چې د امریکا دې ادعا ته علمي بنسټ نشته دی او د جنوبي افریقا پر وړاندې د دوی وروستۍ اقدام او د سفرونو بندیز له تبعیض ډک چلند دی.

په وروستیو اونیو کې په نړۍ کې د کرونا نوې بڼه خپره شوې، چې چټکه او خطرناکه بلل کېږي.

تر دې دمه په امریکا او ځینو اروپايي هېوادونو کې ددې ویروس مثبتې پېښې ثبت شوې دي.

د یادونې ده چې تېره ورځ  متحده ایالاتو د اروپایي ټولنې په همغږۍ پر اوو افریقایي هېوادونو د سفر بندیز لګولی دی.