نړیوالبانک د افغانستان کنګل شوې شتمني د یوې برخې پر ازادولو غور کوي
- 3 کاله دمخه (30/11/2021)
- سمسور نیوز
- 1138
نړیوال بانک له امریکا سره نن پر دې خبرې اترې کوي، چې د افغانستان کنګل شوې شتمني یوه برخه د بشردوستاته مرستو لپاره ازاده کړي او که نه.
د رویټرز د راپور لهمخې، چې نړیوال بانک پرېکړه کړې، چې په افغانستان د بشري کړکېچ د مخنیوي په موخه د دې هېواد د کنګل شویو پیسو یوه برخه، د بیا رغونې له صندوق بشري ادارو ته واستوي او له هغه وروسته به پر بشردوستانه مرستو لګول کېږي.
د نړیوال بانک چارواکو ویلي، چې له امریکا سره یې په اړه خبرې کړې؛ خو لا هم دا پروسه پېچلې ده او که د دوی پرېکړه نهايي شي؛ نو د ۵۰۰ میلیونو ډالرو په شاوخوا کې کنګل شوې شتمني به ازاده کړل شي.
د یادونې ده، چې واک ته د طالبانو له رسېدو سره سم، امریکا د افغانستان ۹ میلیارده ډالره شتمني کنګل کړه، چې له دې شتمنۍ ډېره برخه یې په نړیوال بانک کې ده.