د اسلامي همکاریو سازمان سره هممهاله؛ هند د افغانستان په اړه د اسیايي هېوادونو غونډې کوربه دی
- 2 کاله دمخه (19/12/2021)
- سمسور پریس
- 1238
په پاکستان کې د اسلامي همکاریو سازمان د افغانستان په اړه له غونډې سره هممهاله په نوي ډهلي کې هم د هند او پنځو اسیايي هېوادونو ترمنځ غونډه کېږي.
په دې غونډه کې د هند، تاجکستان، ازبکستان، ترکمنستان، قرغزستان او قزاقستان د بهرنیو چارو وزیران ګډون کوي او د بحث مهمه موضوع یې د افغانستان روان وضعیت دی.
هندي رسنیو ویلي چې په دې غونډه کې به له افغانستان سره پر بشردوستانه مرستو، له دغه هېواد سره پر اقتصادي همکاریو، د سیمې پر اتصال او د چابهار بندر پر فعالېدو او پراختیا خبرې کېږي.
دا غوڼډې داسې مهال ترسره کېږي، چې په افغانستان کې پراخېدونکي بشري ناورین د سیمې سربېره نړۍ هم اندېښمنه کړې او افغانان تر بل هر وخت لا ډېر لاسنیوي ته اړتیا لري.