داعش په کابل کې د پاسپورټ پر ریاست د برید مسؤولیت ومانه
- 2 کاله دمخه (26/12/2021)
- سمسور پریس
- 1211
سمسور پریس (یکشببه د مرغومي۴) د داعش ډلې د خپل تلګرام په کانال کې د یو بیان په خپرولو سره په کابل کې د پاسپورت په ریاست د پنجشنبې د ورځې د چاودنې مسولیت منلی دی.
پهداسې حال کې، چې د کورنیو چارو وزارت د پنجشنبې په ورځ ویلي وو، چې د کابل د پاسپورت په ریاست باندې یې د یو ځانمرګي برید مخه نیولې ده.
د دې وزارت د ویاند مرستیال عاقل جان عزام، په وینا پهدغه چاودنه کې یواځې بریګر وژل شوی و.
خو د طالبانو یو غړي چې د پېښې شاهد و د رویترز خبري اژانس ته ویلي وو، چې چې پهدې پېښه کې څو تنه ټپیان شوي هم دي.
د نوي حکومت په راتګ سره داعش ډلې د دغه برید په ګډون د ګڼو خونړیو بریدونو مسؤولیت منلی، چې تر ډېره په کابل، ننګرهار، هلمند او نورو ولایتونو کې ترسره شوي دي.
که څه هم نوی حکومت دې ډلې ته د ګواښ په سترګه نه ګوري؛ خو دوی خپل بریدونه دوامداره ساتلي دي.