طالبان: له ازبکستان نه بلخ او پېښور ته د اوسپنې پټلۍ پروژې عملي کارونه پیلېږي
- 2 کاله دمخه (18/01/2022)
- سمسور نیوز
- 717
سمسور (سهشنبه د مرغومي۲۸) طالبان وایي، له ازبکستان څخه مزار شریف او پېښور ته د اوسپنې پټلۍ د پروژې عملي کارونه ډېر ژر پیلېږي.
د رییسالوزرا محمد حسن اخوند په مشرۍ د کابینې غونډه ترسره شوې او له ازبکستان څخه بلخ او پېښور ته د اوسپنې پټلۍ پروژې په اړه پهکې بحث شوی دی.
د معلوماتو لهمخې، چې د کابینې په ناسته کې د دې پروژې د مسیر او ځمکني سروې په اړه خبرې شوي او پرېکړه شوې چې په نږدې راتلونکي کې به د دې پروژې عملي کارونه پیل شي.
تر دې وړاندې د ازبکستان د ولسمشر ځانګړي استازي عصمت الله ایرګشوف د دې پروژې په اړه ویلي وو، چې ازبکستان د ترمذ ـ تورخم ریل ګاډي پټلۍ په غځولو سره غواړي افغانستان په ټرانزیټي مرکز بدل کړي.