بدخشان کې ځایي چارواکي وایي، چې واورې خوېدنې درې کسان وژلي
- 2 کاله دمخه (19/01/2022)
- سمسور نیوز
- 764
سمسور (چهارشنبه د مرغومي۲۹) د بدخشان ځايي چارواکي وایي، د دې ولایت په راغستان ولسوالۍ کې د واورې خوېدنې له کبله درې کسان وژل شوي دي.
دغه پېښه تېره شپه د دې ولسوالۍ په خمبیل کې سیمه کې رامنځته شوې ده.
بدخشان کېد طالبانو د اطلاعاتو او فرهنګ رییس معزالدین احمدي رسنیو ته ویلي، چې په دې پېښه کې اته کسان د واورې لاندې ګیرپاتې وو.
هغه ویلي، چې پنځه کسان ژغورل شوي او درې کسانو خپل ژوند له لاسه ورکړی دی.
تر دې وړاندې هم په دې ولایت کې د واورې خوېدو له کبله ګڼ شمېر کسان وژل شوي او ټپیان شوي وو.