امریکا په واشنګټن د افغانستان سفارت تړي
- 2 کاله دمخه (27/01/2022)
- سمسور نیوز
- 1100
سمسور (پنجشنبه د سلواغې۷) امریکا په خپل هېواد کې افغان سفارت ډیپلوماتانو ته خبر ورکړی، چې په واشنګټن کې د افغانستان سفارت بند کړي.
العربیه ټلویزيون ویلي، چې د امریکا حکومت به په نیویارک او لاس انجلس کې د افغانستان کونسلګرۍ هم بند کړي.
یاد ټلویزیون دغه راز د څو معتبرو سرچینو له قوله لیکلي، امریکا پرېکړه کړې چې د افغان ډپلوماټانو ډپلوماټیک مصونیت هم ځنې اخلي.
تر اوسه د امریکا حکومت په رسمي ډول په واشنګټن کې د افغانستان سفارت تړلو په اړه څه نهدي ویلي.
تر دې وړاندې پرون یو شمېر سرچینو رسنیو ته ویلي وو، چې د امریکا بانک په دې هېواد کې د افغان سفارت بانکي اکونټونه بند کړي دي.