بلوچستان کې چاودنې پنځه پاکستاني عسکر ووژل
- 2 کاله دمخه (29/01/2022)
- سمسور نیوز
- 1092
سمسور (شنبه د سلواغې۹) د بلوچستان په پېشبوغي سیمه کې د یوې چاودنې له کبله پنځه پاکستاني عسکر وژل شوي او لس نور ټپیان شوي دي.
د بلوچستان ځايي پولیس وايي، چې دغه چاودنه جمعې په ورځ د دې ایالت په پېشبوغي سیمه کې رامنځته شوې ده.
د مالوماتو له مخې، تر دې وړاندې په همدې ایالت کې د بلوڅ بېلتونپالو په برید کې لس پاکستاني عسکر وژل شوي وو او تر ۱۲ ډېر تپیان شوي وو.
د جمعې ورځې د چاودنې مسوولیت د تحریک طالبان پاکستان منلی دی او ویلي یې دي، چې په لسګونه پاکستان پوځیان یې پهکې وژلي دي.
په ورته مهال پاکستاني چارواکو ویلي، چې په افغانستان کې د طالبانو واکمنېدو وروسته په پاکستان کې د پوځ پر ضد وسلهوالو بریدونه زیات شوي دي.
د پاکستان ملي امنیت سلاکار معید یوسف په تازه څرګندونو کې ویلي، چې افغانستان خاوره لا هم د پاکستان پر ضد کارول کېږي.