سمسور

پروان کې د سېلابونو له کبله دوه ماشومان مړه شوي

• 2 کاله دمخه (04/05/2022)
• سمسور
• 864

سمسور (۱۴غوایی۱۴۰۱) په پروان کې ځایي سرچینې وایي، چې د دغه ولایت په شینوارو ولسوالي کې د سیلونو له امله دوه ماشومان مړه شوي دي.

سرچینې دغه‌شان زیاته کړې، چې د دې سیلونو له کبله کرنیزې مځکې هم خرابې شوې دي.

د مالوماتو له‌مخې، سیلونه د پروان په شیخ علي او سیاه ګرد ولسوالیو کې هم بهېدلي دي. 

سرچینې وایي، پر مرکز چاریکار هم سېل ورمات شوی دی، خو تر دې دمه د دې ولایت له شینوارو ولسوالي پرته له نورو سیمو د مرګ ژوبلې او مالي زیانونو په اړه خبرونه نه‌دي ورکړل شوي.  

د ویلو ده، چې د دې سیلونو له کبله پرون د پروان- بامیان لویه لاره بنده شوې وه چې د ورځې په وروستیو کې بېرته پرانیستل شوه.