پاکستان کې له قبر څخه د یوې را اېستل شوې نجلۍ پر مړي جنسي تېری شوی
- 2 کاله دمخه (08/05/2022)
- سمسور
- 894
سمسور (۱۸غوایی۱۴۰۱) د پاکستان د ګجرات په «چاک کمالا» کلي کې ناپېژاندو کسانو د یوې نجلۍ مړی له قبر څخه را اېستلی او تېری يې پرې کړی دی.
ځایي چارواکي وایي، چې د دې پېښې په تړاو ۱۷ کسان نیولي او دا مهال ترې پلټنه پيل شوې ده.
د ځایي رسنیو د راپورونو په حواله، دا نجلۍ له ذهني او جسمي پلوه معلوله وه او چهارشنبه د مې پر ۴ مړه شوه.
د معلوماتو لهمخې، د دغې نجلۍ مړی تر مړینې یوه ورځ وروسته له قبر څخه ۲۰ متره لرې وموندل شو.
د مړي پر بدن له نښو په ډاګه شوه، چې جنسي تېری پرې شوی دی.
په پاکستان کې دا لومړۍ ورته پېښه نه ده، بلکې وخت ناوخت هلته داسې پېښه رامنځ ته کېږي.