د کابل ښار پنځمې امنیتي حوزې په یوه جومات کې چاودنه شوې
- 2 کاله دمخه (13/05/2022)
- سمسور
- 759
سمسور (۲۳غوایی۱۴۰۱) د کابل ښار د پنځمې امنیتي حوزې اړوند «قمبر څلور لارې» یو جومات کې چاودنه شوې ده.
د کابل د امنیه قومانداني ویاند خالد ځدراڼ وایي، دغه چاودنه د «ایوب صابر» جومات کې جمعې لمانځه پر مهال شوې ده.
د نوموړي په خبره، د لومړنیو معلوماتو په اساس په چاودنه کې درې لمونځ کوونکي ټپیان شوي دي.
هغه همدارنګه زیاته کړې، چې د پېښي ځاى ته امنیتي ځواکونه رسېدلي دي او په اړه يې پلټنې پيل کړې دي.
ویل کېږي، د دغې چاودنې پر مهال د میا صیب په نوم مشهور تبلیغي هم وژل شوی، خو لاهم حکومتي چارواکو دغه وژنه نه ده تائید کړې.
تر دا مهاله د دغه چاودنې مسؤلیت کومې ډلې نه دی منلی.
دا په تېرو دوه میاشتو کې پر جوماتونو څلورمه چاودنه ده چې رامنځته کېږي.