بلخ ولایت کې د یوه ټکسي چلوونکي سر پرې شوی دی
- 2 کاله دمخه (14/05/2022)
- سمسور
- 715
سمسور (۲۴غوایی۱۴۰۱) بلخ کې ځایي سرچینې وایي، چې په دغه ولایت کې وسله والو کسانو د یوه ټکسي چلوونکي سر پرې کړی دی.
د ټکسي چلوونکي خپلوان وایي، چې هغه د خلم ولسوالي له مرکز څخه د مزارشریف مرکزي روغتون ته پر لار و، چې د پلټنې په تمځای کې د وسله والو کسانو له خوا درول شوی او وروسته یې په چاړې سر پرې شوی دی.
د مالوماتو لهمخې، چط دغه ټکسي چلوونکی امان الله نومېده او د کورنۍ یوازېنۍ سرپرست و.
د یادونې وړ ده، چې دغه پېښه نهه ورځې مخکې شوې ده؛ خو د اسلامي امارت ځایي چارواکو تر اوسه د دې پېښې عاملان نه دي نیولي.