چارواکي: جلال اباد کې پر سرپرست دفاع وزیر چاودنه نه ده شوې، تبلیغات دي
- 2 کاله دمخه (28/05/2022)
- سمسور
- 838
سمسور (۷غبرګولی۱۴۰۱) د ننګرهار د استخباراتو رییس هغه راپور رد کړ، چې ګنې په جلال اباد کې د دفاع وزارت پر سرپرست مولوي محمد یعقوب مجاهد چاودنه شوې ده.
د ننګرهار د استخباراتو رییس ډاکټر بشیر رسنيو ته په لېږلي غږیز پيغام کې پر ملا محمد یعقوب مجاهد د چاودنې راپور تبلیغات ګڼلي او ويلي يې دي، چې نوموړی ننګرهار ته تر سفر وروسته، بېرته کابل ته ستون شوی دی.
په ورته مهال د ملي دفاع وزارت وياند هم ويلي، چې د دغه وزارت پر سرپرست د چاودنې راپور بېبسټه دی او ننګرهار ته يې د نوموړي سفر ګته ور بللی دی.
مولوي یعقوب مجاهد پرون د ختیځ زون د امنیت ارزونې په موخه ننګرهار ولایت ته سفر کړی و او هلته یې د ډیورنډ فرضي کرښې په اوږدو کې له ځینو امنیتي پوستې لیدنه کړې ده.