سمسور

بلوچستان کې چاودنې اتو سرتېرو ته مرګ ژوبله اړولې

• 2 کاله دمخه (04/06/2022)
• سمیر احمد
• 678

سمسور (۱۴غبرګولی۱۴۰۱) د ايران پولې ته څېرمه بلوچستان ایالت کې د یوې چاودنې له امله شپږ پاکستاني سرتیري وژل شوي دي.

د پاکستاني رسنیو د راپور له مخې، دا چاودنه پرون د بلوچستان ایالت د پنجګور ولسوالۍ اړوند سیمه کې شوې ده.

ځایي امنیتي چارواکو ویلي، چاودنه داسې مهال رامنځ ته شوې، چې 

د پوځ اړونده د ملیشه ځواکونو د ګزمې یو موټر له یادې سیمې د  تېرېدو په حال کې و.

د دې چاودنې مسوولیت تر اوسه چا نه دی منلی؛ خو هلته د بلوڅ ازادۍ غوښتونکې ډله فعاله ده، چې وخت ناوخت پر پاکستاني پوڅ بریدونه کوي.