سمسور

یوناما: پر کاج ښوونیز مرکز برید کې د وژل شویو شمېر ۴۳ تنو ته پورته شو

• 2 کاله دمخه (03/10/2022)
• سمیر احمد
• 894

سمسور نیوز (۱۱تله۱۴۰۱) په کابل کې د ملګرو ملتونو سیاسي استازولۍ «یوناما» خبر ورکړی، چې د کابل دشت‌برچي کې پر کاج ښوونیز مرکز د جمعې ورځې ځانمرګي برید کې د وژل شویو شمېر ۴۳ کسانو ته لوړ شوی دی.  

یوناما پر خپله ټوېټر پاڼه لیکلي، چې په دې پېښه کې ۸۳ کسان ټپيان شوي هم دي.

یوناما زیاته کړې، چې د دوی د بشري حقونو ډلو له خوا د ارقامو تائیدېدل دوام لري‌ او امکان شته، چې د وژل شویو شمېر نور هم لوړ شي.‌ 

ملګرو ملتونو تر دې مخکې د مړو شمېر لږ تر لږه ۳۵ یاد کړی و.

دا خونړی برید، چې ډېری قربانیانې یې نجونې دي، په کور دننه او بهر سخت غندل شوی دی.‌