سمسور

فرهاد دریا د فاطمې امیري د درملنې لپاره د ۳۲ زره ډالرو مرسته راټوله کړې

• 1 کال دمخه (20/11/2022)
• سمیر احمد
• 802

سمسور نیوز (۲۹لړم۱۴۰۱) د هېواد پېژندل شوی سندرغاړی، فرهاد دریا وایي، د فاطمې امیري د درملنې لپاره یې ۳۲ زره امریکایي ډالره مرسته راټوله کړې ده.

ښاغلي دریا د فاطمې د درملنې لپاره پر ټولنیزو رسنیو یو انلاین کمپاین پیل کړی و.  

هغه پر خپل فېسبوک لیکلي، چې په دې پیسو به له هېواده بهر د نوموړې درملنه وشي.     

فاطمه اميري هغه نجلۍ ده، چې په کابل کې د کاج پر ښوونيز مرکز په بريد کې ژوبله شوې وه. 

په دې پېښه کې فاطمې خپله يوه سترګه له لاسه ورکړه او يو غوږ يې هم له کاره لوېدلی دی.