څېړنه: ۹۷ سلنه خلک د نجونو زدکړې غواړي
- 2 کاله دمخه (26/11/2022)
- سمسور نیوز
- 807
د یوې څېړنې له مخې، اوس مهال په افغانستان کې ۹۷ فیصده خلک د نجونو له زده کړو سره موافق دي.
یو امریکايي بنسټ «بلاق» د هېواد په ۳۴ ولایتونو کې د مختلفو قومونو له ۵۰۰ کسانو څخه د نجونو د ښوونځیو پرانېستو په اړه پوښتنې کړې دي.
له یاد بنسټ څخه په خپره شوې خبرپاڼه کې راغلي چې په دغه ټول پوښتنه کې ۹۷ سلنه خلکو د نجونو له زده کړو سره موافقت ښوودلی؛ خو ۲.۸ سلنه خلک بیا د نجونو له زده کړو سره مخالف دي.
که څه هم له دې وړاندې هم د افغانستان په ټولو ولایتونو کې د نجونو پرمخ د ښوونځیو د خلاصون غوښتنه شوې، خو دا لومړی ځل دی چې دا ډول څېړنه ترسره کېږي.