سمسور

افغان محصولاتو د هند نړيوال نندارتون کې د سرو زرو ايوارد ګټلی

• 1 کال دمخه (28/11/2022)
• سمیر احمد
• 726

سمسور نیوز (۷لېندۍ۱۴۰۱) په نوي ډهلي کې د افغانستان سفارت وايي، د هند د سوداګریزې ودې ادارې له خوا جوړ شوي کلني سوداګریز نندارتون کې افغان محصولاتو د لومړي مقام تر لاسه کولو سره د سرو زرو جایزه ګټلې ده. 

د یاد سفارت له لوري په خپره شوې اعلامیه کې راغلي، چې په دغه نندارتون کې د هند د بېلابېلو ایالاتونو ترڅنګ د نړۍ د ۱۷ هېوادونو تولیدات او محصولات په‌کې نندارې، سوداګریزو معاملاتو او خرڅلاو لپاره وړاندې شوي وو.  

اعلامیه کې زیاته شوې، چې په دغه نندارتون کې د افغانستان د محصولاتو مختلف ډولونه لکه غالۍ، زغفران، شات، د مرمر له تیږو جوړ شوي تولیدات، لاسي جوړ شوي توکي او افغاني خواږه په شاوخوا ۲۲ لویو او کوچنیو غرفو کې نندارې ته وړاندې شوي وو.