د ټيټيپي خبرداری: د پاکستان پوځ پر ضد خپل بریدونه پراخوو
- 2 کاله دمخه (29/11/2022)
- سمیر احمد
- 799
سمسور نیوز (۸لېندۍ۱۴۰۱) د پاکستان تحریک طالبان وايي، د پاکستان له حکومت سره یې د سولې اوربند ختم کړی او په دې هېواد کې یې د لویو بریدونو خبرداری ورکړی دی.
د فرانسې خبري اژانس د راپور له مخې، پاکستاني طالبانو پرون په یوې اعلامیې کې دا خبر ورکړی دی.
د دواړو خواوو ترمنځ د جون په میاشت کې اوربند شوی وو.
د پاکستاني طالبانو په اعلامیې کې راغلي دا چې پوځ په مختلفو سیمو کې پوځي عملیات روان کړي، نو په ټولو لازمه ده چې د هېواد په هره برخه کې چې کولای شي بریدونه وکړي.
په اعلامیه کې دا نه دي ویل شوي، چې د پاکستان په کومو سیمو کې د دغه هېواد پوځ د طالبانو پر ضد عملیات کوي.