پاکستان: ټيټيپي د افغانستان خاوره زموږ پر ضد کاروي
- 1 کال دمخه (02/12/2022)
- سمیر احمد
- 647
سمسور نیوز (۱۱لېندۍ۱۴۰۱) د پاکستان د کورنیو چارو وزیر رانا ثناء الله ادعا کړې ده، چې ټيټيپي د افغانستان خاوره د بریدونو لپاره د دوی پر ضد کاروي.
نوموړي په اسلام اباد کې یوه خبري کنفرانس ته ویلي، د کویټې د د وړمې ورځې ځانمرګي برید مسوولیت چې تحریک طالبان پاکستان اخیستی، د اندېښنې وړ خبره ده.
هغه زیاته کړې، د ټي ټي پي مشران او شااوخوا شپږ زره غړي یې په افغانستان کې پټ دي او دغه خاوره د پاکستان پر ضد کاروي.
ا.ا لا د نوموړي څرګندونو په اړه کوم غبرګون نه دی ښودلی؛ خو تر دې مخکې یې د پاکستاني چارواکو ورته ادعاوې په کلکه رد کړې وې.
د یادونې وړ ده، چې د پاکستان د کورنیو چارو وزیر څو میاشتې مخکې افغانستان خپل دښمن هېواد یاد کړی و.