د روسیې په دوه پوځي اډو کې چاودنې شوې
- 2 کاله دمخه (05/12/2022)
- سمسور نیوز
- 797
سمسورنیوز(۱۴لیندۍ۱۴۰۱) د مسکو په جنوب ختيځ "ریازان" ښار ته څېرمه په یو هوایي ډګر کې د تېلو په یو ټانکر کې چاودنه شوې چې په پایله کې یې درې تنه وژل شوي او شپږ نور ټپیان دي.
په ورته مهال بیا د "سراتوف" سیمې اړوند یو بل هوایي ډګر کې هم چاودنه شوې چې په پایله کې یې دوه تنه وژل شوي.
لاهم د یادو چاودونو د علتونو او د تلفاتو د کره شمېر په اړه معلومات نه دي ورکړل شوي.
دواړه سیمې له اوکراین سره په سل کېلو مترۍ کې پرتې دي.
دا چاودنې په داسې حال کې کېږي چې تېره اوونۍ د سټلایټ له لارې د روسیې د پوځي اډو عکسونه هم رسنیز شول.
روسیي چارواکو ویلي، چې د دواړو پېښو په اړه څېړنې کوي.