بامیانو کې ترافیکي پېښې ۶ کسانو ته مرګوژبله اړولې
- 1 کال دمخه (16/12/2022)
- سمسور نیوز
- 742
سمسور نیوز (۲۵لېندۍ۱۴۰۱) سیمهییزو مسوولین وايي، د بامیانو په مرکز کې د ترافیکي پېښې له امله درې کسان مړه او درې نور ټپیان شوي دي.
د مسوولینو په وینا، دا پېښه په «کوتل شهیدان» سیمه کې د سراچهډوله موټر سره د یو باروړونکي موټر د ټکر په پایله کې شوې ده.
ویل کېږي، په مړو شویو کسانو کې یو شپږ میاشتنی ماشوم هم شامل دی.
مسوولینو زیاته کړې، چې د پېښې ټپیان د درملنې لپاره روغتون ته وړل شوي دي.
په هېواد کې د ټرافیکي پېښو ستر لاملونه د چلوونکو بېاحتیاطي، خراب سړکونه، ګړندی تګ او د ترافیکي نښو نهمراعاتول بلل کېږي.