سمسور

پکتیا کې د ترافیکي پېښې له کبله درې کسان مړه شوي

• 1 کال دمخه (22/12/2022)
• سمسور نیوز
• 810

سمسور نیوز (۱مرغومې۱۴۰۱) سیمه‌ییز مسؤلین خبر ورکوي، چې پکتیا کې په یوه ټرافیکي پېښه کې ۱۲ کسانو ته مرګ‌ژوبله اوښتې ده.  

د پکتیا د امنیه قومانداني ویاند عبدالباري منیب ویلي، چې پرون مازدیګر مهال د پکتيا ګرده څېړۍ ولسوالۍ کې د ګردېز - خوست پر لويه لار يو بکسه موټر د سړک غاړې له دېوال سره ټکر کړی، چې د ښځو او ماشومانو په ګډون درې تنه په کې وژل شوي او نهه تنه نور ژوبل شوي دي. 

‏نوموړي ویلي، ټپيان د درملنې په موخه د پکتيا حوزوي روغتون ته لېږدول شوي دي.

په دې وروستیو کې ترافیکي پېښې په بېسارې توګه ډېرې شوې، چې له امله د نارینه‌وو په ګډون ښځې او ماشومان هم ژوند له لاسه ورکوي.