د بدخشان امنیه قوماندان په موټر بم برید کې ووژل شو
- 1 کال دمخه (26/12/2022)
- سمسور نیوز
- 714
سمسور نیوز (۵مرغومی۱۴۰۱) د بدخشان ولایت پر امنیه قوماندان مولوي عبدالحق عمر موټر بم برید شوی دی.
سیمه ییزې سرچینې وایي، دغه برید نن سهار شااوخوا اته بجې په فيض اباد ښار کې د بدخشان د امنيه قوماندان د کور مخې ته شوی دی.
سرچینې ویلي، چې په برید کې امنیه قوماندان وژل شوی او څلور ساتوونکي یې ټپیان شوي دي.
د سرچینې په خبره، ښايي په دې پېښه کې د مرګ ژوبلې شمېر تر دې هم زيات وي.
د سرچينې د معلوماتو له مخې، د پېښې ټپيان د فيض اباد روغتون ته لېږدول شوي او امنيتي ځواکونه چا ته اجازه نه ورکوي، چې دغه روغتون ته ننوځي.
تر اوسه امنیتي چارواکو د دې پېښې په اړه څه نه دي ویلي او نه هم کوم چا یا کومې ډلې د دغه برید مسؤلیت منلی دی.