ګوترېش: د ښځو پر کار د بندیز پرېکړه د نه منلو وړ ده
- 1 کال دمخه (28/12/2022)
- سمسور نیوز
- 725
سمسور نیوز (۷مرغومی۱۴۰۱) ملګرو ملتونو په افغانستان کې په نادولتي موسسو کې د ښځو پر کار د بندیز پرېکړه غندلې ده.
د ملګرو ملتونو سرمنشي انتوني ګوترېش پر خپل ټوېټر لیکلي، چې د مېرمنو د کار بندیز پرېکړه د منلو نه ده او دا یې له بشري حقونو څخه سرغړونه بللې ده.
ګوترېش د ښځو پر کار د بندیز د ژر تر ژره لرې کېدو غوښتنه کړې ده.
هغه ویلي، چې د ښځو او نجونو د محرومولو او خاموشه کولو کړنې د افغانانو د ناهیلۍ سبب ګرځي.
بل خوا، د ملګرو ملتونو امنیت شورا هم ویلي، چې ا ا د افغانانو او په ټوله کې د نړیوالو د تمو خلاف عمل کوي.
دې شورا په افغانستان کې د نجونو پر مخ د پوهنتونونو د بندېدو او د مېرمنو د کار بندیز په اړه هم ژوره اندېښنه څرګنده کړې ده.