سمسور

پوتین پر هغو هېوادونو د تېلو پلور بندوي، چې د روسیې تېلو لپاره یې بیه ټاکلې

• 2 کاله دمخه (28/12/2022)
• سمسور نیوز
• 792

سمسور نیوز (۷مرغومی۱۴۰۱) د روسیې ولسمشر ولادیمیر پوتین یو فرمان لاسلیک کړی، چې له مخې یې پر هغو هېوادونو او شرکتونو د تېلو پلور بندوي، چې د روسیې د تېلو او ګازو پر بیو د لویدیځ له لوري ټاکل شوی حد پلی کوي.

د پوتین دا پرېکړه به را روانې فبرورۍ میاشت کې عملي شي. 

‏د روسیې پر تېلو د پلور بندیز د اروپايي ټولنې، اوو هېوادونو او استرالیا لخوا شوې هوکړه کې د دېسمبر له پنځمې نېټې د تطبیق وړ ګرځېدلې ده. 

دغو هېوادونو د روسیې د یو بیرل خامو تېلو بیه ۶۰ ډالره ټاکلې ده. 

اوسمال په نړۍ کې د یو بیرل تېلو بیه شاوخوا ۸۰ ډالره ده،‌ چې دا کچه په تېره مارچ میاشت کې ۱۲۰ ته ختلې وه.‌