سمسور

کابل: اسلام اباد دې د افغان بندیانو له نیولو ډډه وکړي

• 1 کال دمخه (08/01/2023)
• کامران احمدزی
• 749

د ا.ا ویاند د پاکستان له زندانونو څخه د افغان بندیانو د راخوشې کېدو هرکلی کړی.

نوموړي تېره شپه ناوخته پرخپله ټوېترپاڼه لیکلي چې د اسلامي امارت په هڅو د پاکستاتن له لوري د افغان بندیانو راخوشې کول یو نیک اقدام دی،خو پاکستان باید نور د افغانانو له زنداني کولو ډډه وکړه، ترڅو د دواړو هېوادونو ترمنځ د نفرت سبب نه شي.

تېره ورځ په پاکستان کې د افغانستان سفارت خبر ورکړی و چې د دوی په هڅو د پاکستان له زندانونو څخه ګڼ شمېر افغان بندیان ازاد شول.

په همدې حال کې د بهرنیو چارو وزارت مرستیال ویاند ضیاءاحمد تکل وايي چې د یادو کسانو د رالېږد لګښت په پاکستان کې د افغانستان سفارت او کونسلګرۍ له لوري ورکول کېږي.

د یادو بندیانو د راخوشې کېدو خبر په داسې حال کې ورکول کېږي چې څو ورځې وړاندې په کراچۍ کې افغان کونسل ویلي وو چې د دغه هېواد په بېلابېلو زندانونو کې له ۱۵۰۰ ډېر افغانان بندیان دي.