کابل کې پرونۍ چاودنې غبرګونونه راپارولي
- 1 کال دمخه (12/01/2023)
- سمسور نیوز
- 682
د بهرنیو چارو وزارت د یاد وزارت مخې ته د چاودنې په اړه په خپره کړې اعلامیه کې و یلي چې د اسلامي امارت دښمنان په دا ډول کړنو سره نشي کولای چې د " اسلامي نظام" پر وړاندې خپلو اهدافو ته ورسېږي.
بلخوا د افغانستان لپاره د ملګرو ملتونو سیاسي استازولۍ یوناما ددې پېښې د غندلو ترڅنګ ویلي د ناامنۍ زیاتوالی د اندېښنې وړ دی او تاتریخوالی د حل لار نه ده."
د افغانستان پخواني ولسمشر حامدکرزي دغه چاودنه غندلې او دغه پېښه یې ترورستي بشر ضد او د ټولو انساني او اسلامي ارزښتونو خلاف عمل بللی دی.
د افغانستان لپاره د امریکا شارژدافیر کرن ډېکر یاد برید غندلی او پوښتلي یې دي باید پوه شو چې دا برید ولې او څنګه وشو او د بل برید د مخنیوي لپاره به څه وړ لارې چارې غوره کړای شي.
د روسیې د بهرنیو چارو وزارت ویاندې ماریا زاخاروا بیا ویلي د هغه ترهګریز برید له کبله، چې زموږ افغان همکاران او د بهرنیو چارو وزارت کارکوونکي پکې وژل شوي ، د زړه له تله تسلیت وړاندې کوم
په کابل کې د ایران سفارت هم لیکلي، یاده پېښه چې یو شمېر کسان پکې مړه او ټپیان شول غندي.
د اروپايي ټولنې استازي جوزیف بورېل ویلي اروپايي ټولنه دا برید په تر ټولو سختو ټکو غندي او زیاتوي دا ډول تاوتریخوالی د افغانانو هغه سخت کړاوونه لا پسې ډېروي چې دوی یې هره ورځ ګالي"
کابل کې د ایمرجنسي مشر سټېفانو سوزاویلي، دا د ۲۰۲۳ کال لومړنی داسې برید دی چې په ډلییزه توګه خلک وژني نوموړي په یوه ټویټ کې ویلي چې دوی ان په طعام خانه کې هم چپرکټونه ایښي دي.
د یادونې ده چې تر دې وړاندې هم داعش ډلې په کابل کې د روسیې او پاکستان پر سفارتونو او همدا راز پر هغه هوټل برید منلی وو چې چینایان پکې مېشت وو.