بامیان؛ ټرافیکي پېښه کې درېیو کسانو ته مرګ ژوبله اوښتې
- 1 کال دمخه (07/02/2023)
- سمسور نیوز
- 618
سمسور نیوز (۱۸سلواغه۱۴۰۱) د بامیانو په یکاولنک ولسوالۍ کې د ترافیکي پېښې له امله یو کس مړ شوی او دوه نور ټپیان دي.
بامیانو د امنیه قوماندانۍ ویاند محمد خواني رسا وایي، دغه پېښه په ياده ولسوالۍ کې د یوه باروړونکي موټر د چپه کېدو له امله شوې ده.
هغه ویلي، چې د یادې پېښې ټپیان د درملنې په موخه ولایتي روغتون ته لېږدول شوي او د هغوی روغتیايي حالت د ډاډ وړ دی.
بل لورته ویل کېږي، چې له وړمې شپې راهیسې د کابل - بامیان لویه لار د واورې ورېدو له کبله تړل شوې ده.