په ترکیه او سوریه کې د زلزلې له کبله د مړو شمېر تر ۱۵زره واوښت
- 1 کال دمخه (09/02/2023)
- سمسور نیوز
- 582
سمسور نیوز (۲۰سلواغه۱۴۰۱) په ترکیې او د سوریې شمال کې د زورورې زلزله له کبله د وژل شویو کسانو شمېر تر ۱۵۰۰۰ پورته ختلی دی.
د راپورونو له مخې، په دواړو هیوادونو کې لسګونه زره کسان ټپیان دي.
دا په داسې حال کې ده، چې د ا، ا د بهرنیو چارو وزارت خبر ورکړی، چې د ترکیې په زلزله کې کابو ۱۰۰ افغان وګړي مړه او یا هم ټپيان شوي دي.
دغه وزارت زیاته کړې، چې په ترکیه کې د افغان وګړو د قربانیانو شمېر وروستی نه دی او ښايي چې زیات شي.
د ترکیې او سوریې په ځینو برخو کې له مرګونې زلزلې درې ورځې تېرې شوې او لاهم د ژغورنې عملیات دوم لري.
بېلابېلو هېوادونو ترکیې ته، د ژغورنې او مرستو رسولو ټیمونه لېږلي دي.