پاکستان: افغانستان مو د صادراتو کچه ۳۲ سلنه لوړه شوې
- 1 کال دمخه (13/03/2023)
- سمسور نیوز
- 619
سمسور نیوز (۲۲کب۱۴۰۱) پاکستاني چارواکي وایي، افغانستان ته یې د صادراتو کچه ۳۲ سلنه لوړه شوې ده.
پاکستانۍ رسنیو د دې هېواد د چارواکو په حواله خبر ورکړی، چې اسلاماباد په تېرو اته میاشتو کې افغانستان ته د څه باندې ۶۵۰ میلیونه ډالرو په ارزښت سوداګریز توکي صادر کړي دي.
د خبر له مخې، له افغانستان څخه پاکستان ته د وارداتو په کچه کې هم ۲۴ سلنه لوړوالی راغلی دی.
دا په داسې حال کې ده، چې تر دې وړاندې د افغانستان صنعت او سوداګرۍ وزارت ویلي وو، د لومړي ځل لپاره د افغانستان صادرات له پاکستان څخه د وارداتو پرتله زیات شوي او کابل پاکستان ته د یو میلیارډ ډالرو په ارزښت توکي صادر کړي دي.