سمسور

بغلان کې د لرې واټن ویشتونکې لسګونه مرمۍ ونیول شوې

• 1 کال دمخه (28/03/2023)
• سمسور نیوز
• 739

سمسور نیوز (۸وری۱۴۰۲) ځایي امنیتي مسوولین وايي، د بغلان په دوشي ولسوالۍ کې یې لسګونه لرې واټن ویشتونکې مرمۍ نیولې دي. 

د بغلان امنیه قوماندان ملا اخترمحمد بریالي وایي، د دوشي ولسوالۍ په کیان دره کې یې د کشفي عملیاتو په ترڅ کې د لرې واټن ویشتونکو درنو وسلو لسګونه مرمۍ ترلاسه کړې دي. 

هغه وايي، ترلاسه شوي مهمات د چهل‌یک په نوم ۶۴ مرمۍ دي، چې کلونه وړاندې په کورنیو جګړو کې د ښکېلو غاړو له خوا تر خاورو لاندې پټې شوې وې. 

د هغه په خبره، دغه مرمۍ وړمه ورځ کشف شوې؛ خو په تړاو یې څوک نیول شوي نه دي.