سمسور

هرات کې د روسیې قونسلي خدمات فعال شول

• 1 کال دمخه (04/04/2023)
• کامران احمدزی
• 522

روسیې چارواکو په هرات کې د خپلې قونسلګري د فعالېدو خبر ورکړی.

ټاس خبري اژانس د افغانستان لپاره د روسیې د ځانګړي استازي ضمیر کابلوف له قوله ویلي چې هرات کې د دوی قونسلګرۍ خپل قونسلي خدمات پیل کړي.

د تېر کابل د سپټمبر پنځمه نېټه په کابل کې د روسیې پر سفارت له برید وروسته روسیې په افغانستان کې خپل سفارت او قونسلي خدمات وتړل.

که څه هم لا تر اوسه په کابل کې د روسیې سفارت نه دی فعال شوی، خو کابلوف ویلي چې ډېره برخه قونسلي خدمات به د هرات له قونسلګري وړاندې کوي.

دا په داسې حال کې ده چې تازه د اسلامي امارت ویاند ذبیح الله مجاهد هم ویلي چې له نړۍ سره یې دیپلوماتیکې اړیکې د پراخېدو په حال کې دي.