سمسور

په تهران کې د سفارت پرانېستلو لپاره، د سعودي پلاوی ایران ته رسېدلی

• 1 کال دمخه (09/04/2023)
• سمسور نیوز
• 628

په ایران کې د سعودي سفارت د پرانېستلو لپاره تېره ورځ د سعودي عربستان یو پلاوی تهران ته رسېدلي.

د سعودي رسنیو د خبر له مخې، یاد پلاوی به له ایراني چارواکو سره په دغه هېواد کې د سعودي د سفارت پرانېستلو په اړه خبرې وکړي.

یاد پلاوي په تهران کې د ایران د تشریفاتو له عمومي مدیر مهدي هنر دوست سره هم کتلي دي.

دا اقدام وروسته له هغې کېږي چې تېره پنجشنبه د ایران او سعودي د بهرنیو چارو وزیرانو په بیجینګ کې سره وکتل.

دواړو لورو په دې لیدنه کې ژمنه کړې وه چې په خلیج سیمه کې به د امن او ټیکاو راتلو لپاره په ګډه کار کوي.

د دواړوه هېوادونو ترمنځ شاوخوا اووه کاله وړاندې وروسته له هغې اړیکې ترینګلې شوې چې په ایران کې د یو شعیه مذهبي مشر د اعدامېدو په غبرګون کې په تهران  کې یو شمېر قهرېدلو لاریون کوونکو  د سعودي په سفارت برید وکړ.