امریکا کې د بانک یوه کار کوونکي خپل پنځه همکاران په ډزو وژلي
- 1 کال دمخه (11/04/2023)
- سمسور نیوز
- 665
سمسور نیوز (۲۲وری۱۴۰۲) د امریکا په کنټاکي ایالت کې د بانک یوه کارکوونکي پنځه کسان په خپل کار ځای کې په ډزو وژلي دي.
د اسوشېټېډپرېس د راپور له مخې، دغه پرون دوشنبه د کنټاکي ایالت د لویسوېلي ښار په یوه بانک کې رامنځ ته شوې ده.
د راپور له مخې، برید کوونکی ۲۵ کلن دی او کانر سترګیون نومېږي.
یاد کس له پولیسو سره د ډزو په تبادله کې وژل شوی دی.
تراوسه د هغه د برید انګېزه څرګنده شوې نه ده.
په روان میلادي کال کې د امریکا په متحدو ایالتونو کې دې ته ورته ۱۴ نور بریدونه شوي دي.