کاپیسا او پروان کې د ټرافیکو پېښو له امله اتو کسانو ته مرګژوبله اوښتې
- 1 کال دمخه (19/04/2023)
- سمسور نیوز
- 603
سمسور نیوز (۳۰وری۱۴۰۲) په کاپیسا ولایت کې د یوې ټرافیکي پېښې له کبله اووه کسان ټپیان شوي دي.
د کاپیسا د امنیې قومانداني ویاند عبدالفتاح فایز ویلي، چې دغه پېښه پرون د کاپیسا مرکز اړوند «سنګبریده» سیمه کې د دوو سراچه ډوله موټرو ترمنځ د ټکر له امله رامنځ ته شوې ده.
بلخوا پروان کې هم د یوې ټرافیکي پېښې له امله د اسلامي امارت یو سرتېری مړ شوی دی.
د دغه ولایت سیمه ییزو مسؤلینو ویلي، چې پېښه بېګاه د پروان مرکز جنګباغ سیمه کې رامنځ ته شوې ده.
سرچینې ویلي، یوه کرولا چې له کابله سمنګان ته پر لاره وه، یاده سیمه کې یې د اسلامي امارت یو سرتېری وهلی چې له امله یې خپل ژوند له لاسه ورکړی دی.