بېړنی خبر: د پاکستان مخکېنی لومړی وزیر عمران خان ونیول شو
- 1 کال دمخه (09/05/2023)
- سمسور نیوز
- 571
د پاکستان مخکېنی لومړی وزیر عمران څو شېبې وړاندې د پولیسو له لوري ونیول شو.
پاکستاني رسنیو خبر ورکړی، چې عمران خان د اسلام آباد د سترې محکمې په انګړ کې ونیول شو.
د عمران خان په ګوند پورې تړلي يوه سناتور، چې نه يې غوښتل نوم يې واخيستل شي هم په پاکستان کې رسنیو ته د عمران خان نيول کېدل تائيد کړي دي.
نوموړی یوه ورځ وروسته له هغې نیول کېږي، چې د مې په ۷مه یې د پوځ یو لوړپوړی جنرال پر ده د تېر کال د وژنې د هڅې په قضیه کې په لاس لرلو تورن کړ.